Tude a Indipendens Die, an di uol a wi shudan a selibriet i.
But luk ier nou — ou wi fi selibriet wen di muos impuotant ting wi no diil wid dat yet?
Wat a di grietes simbol of a nieshan? A no di flag ar antem ar plej yuno, non o dem ting de straik yu main laik di smadi we reprizent di haiyes aatoriti ina di lan nex tu gad almaiti iiself.
Nof piipl a go aagyu an a se dis an dat, bot fi riil, notn kyaa mes yu op muor dan tu nuo dat di wan man fies dem put az di biges man ina Jamieka a no Jamiekan at aal. Wosara stil… im a di wait bwai fram Inglan dem kaal king nou. Fi riil, ou yu fi trai kova dat op?
Wish Jamiekan ina dem rait main a go selibriet Chaali tude? Nat wan. Aafta di UN rezoluushan paas we se a fi im piiple dem du wi di muos wikides sitn pon ort sins criyieshan, az if di uol a wi neva don nuo dat aredi … an im kyaa iivn se sari gud bot a im wi mos selibriet?
Im a di baas pon piepa, an aal a wi liidaz dem afi bou tu im. (Wat a klaat!) So wi no trai haid dat fram wiself an priten se a no so it go fi riil kaa non a wi no lov dat at aal at aal at aal. An fi tel yu di truut, it shiem wi bad bad.
Wat indipendens kyan selibriet wen wi kyaa du no beta aal nou, aafta so lang? Iz a nashonal disgries, an di uol gran gaala ting a jos wan big papi shuo.
Jamieka! Ier mi nou. Diil wid it!
Today is Independence Day – a day of celebration.
The chief symbol of our independent state is still a shameful relic of an unresolved past. I speak not of flag or anthem and such; no, but something much more substantial and personal. (I know there will be much denial and debate about this, but there is no higher symbolism or iconography affecting the psyche than the representation of a human being, precisely because the influence is stark and direct, unmitigated by anthropomorphic metaphor.
No Jamaican today will celebrate King Charles, monarch of the Jamaican state, the person to whom all state leaders and state agencies pledge their allegiance and make obeisance. We try to hide that fact. … to ignore it … pretend as if it is not our truth. Why? Because it is a truth of which we are truly deeply ashamed.
Which makes today a national disgrace, and our ostentations a parade of hypcorisy.
Jamaica! Finish this!
